نهــر الحـــب



 
الرئيسيةالبوابةس .و .جالتسجيلالمجموعاتدخول

شاطر | 
 

 عريس من النت (1)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mshmsh
مشرفه
مشرفه
avatar

انثى عدد الرسائل : 169
العمر : 37
تاريخ التسجيل : 05/12/2007

مُساهمةموضوع: عريس من النت (1)   الخميس فبراير 28, 2008 5:36 am

تخيلوا واحدة داخلة لأمها تقولها أن فى واحد هيتقدملى قُريِّب أكيد امها تفرح قوى



بس المشكلة لما الأم تسأل البنت عرفتيه منين؟ دة يابت البنت ترد وتقول


من النت يا ماما!








طبعا الأم هتعمل كدة


خصوصا وهى لا تفقه أى شىء فى الكمبيوتر سوى أنه جهاز يلعب عليه الأولاد!


تعالوا نشوف عفاف وهى بتقول لأمها ان فى عريس





تركت عفاف الكمبيوتر التى تقضى عليه معظم وقتها فجأة وصرخت بصوت عالى

مااااما يا مااااااااااااااااااماااااااااااااااا

الأم:إيه يابت بالراحة إخواتك نايمين!

عفاف:معلشى يا ماما أصلى فرحانة 0000000فرحانة قوى

الأم: خير يا بنتى 000فرحينى ربنا يفرح قلبى

عفاف: عريس يا ماما عريس!!!!

الأم(فرحة): يا ألف نهار أبيض000يا ألف نهار مبروك

لولولولولولولولولولولولولولوى



وبعد دقيقتين أحضان وقبلات تذكرت الأم!

الأم: ألا قوليلى يابت 00000عريس مين دة الى هيتقدملك 00وماقلتليش من ساعة ما جيتى من الجامعة ليه؟

عفاف:لأنى لسة عارفة دلوقتى حالا يا ماما

الأم(بإستغراب): عرفة دلوقتى حالا؟!!!! عارفة منين يابت دة انتى لسة قايمة من قدام الكبورر!!!!!

عفاف(ضاحكة): كبورر إيه بس يا ست الكل00000اسمه كمبيوتر!

الأم:مش مهم!000المهم عرفتى ازاى ؟ 0000ومين أصلا العريس دة000يعنى جاى منين؟!

عفاف:من النت يا ماما

ظلت الأم المسكينة تنظر لابنتها فى بلاهة وهى تراجع كل ما تعرفه من كلمات ولم تجد لكلمة النت أثر بينها!!!!!!!

فسألت عفاف

الأم: النت ؟!!0000ودى تبقى فين دى يا بت؟ !
عفاف: فين ازاى يا ماما؟
الأم: يعنى فينها من الوايلى الى احنا فيها؟!!!!!!


تركبيلها مترو ولا اتوبيس ولا تأخديها تاكسى 0000اوعى يابت يكونوا بيروحولها بالقطر؟!!!!!

عفاف(ضاحكة): إيه يا ماما الى انت بتقوليه دة؟! مترو إيه وقطر إيه؟! 00000دة النت!

الأم: أيوة يا بنتى عرفنا انه الزفت!!!! بس دة موقعه فى أنى بلد بالضبط؟!

عفاف:فى كل البلاد يا ماما!

الأم: انتى اتهبلتى يا بت؟!000000يعنى إيه فى كل البلاد؟

عفاف: يا ماما 000النت دة عبارة عن كمبيوتارات كتير حولين العالم وفيه معلومات كتير قوى عن حاجات ياما!

الأم:معلومات ايه يبت انتى 000هو انتى هتتجوزى دايرة المعارف؟!

عفاف:المهم يا ماما ان فى واحد متقدملى عن طريق النت

الأم: ودة اتقدم ازاى يعنى؟!

عفاف: بعتلى إيميل!!!!

الأم(فى ذهول): إيميل؟! 0000بعتلك إيميل جارنا المسيحى؟!!!!!!

وإزاى يا بت تقبلى تتكلمى مع الى اسمه إيميل دة0000وهو مين عشان الزفت بتاعك دة يبعته لينا!!!!!


عفاف(فى سرها) طب أفهمها إزاى دى بقى؟!!

عفاف:يا ماما اهدى 0000إيميل جارنا مين بس!

الأم: مش انتى الى بتقولى يابت!

عفاف:إيميل يعنى جواب 000بس عالنت!

الأم: برضه هتقولى عالزفت! يابنتى أنا مش فاهمة البتاع الى بتتكلمى عليه دة!

عفاف:النت دة ياماما حاجة فى الكمبيوتر 000ممكن نبعت فيها رسائل لناس برة ونستقبل منهم رسائل برضه
دة غير حاجات كتير


الأم:أنا ماليش فى الكلام دة! الى عاوزة أعرفه هو مين ومعاه شهادة ولا لأ؟ وأصله إيه وفصله إيه؟!

عفاف:هو اسمه حاتم! وطاالب فى هندسة حاسبات و

قاطعتها الأم

طالب؟!!!!!!

عفاف: أيوة ياماما بس فى آخر سنة
الأم:بصى أنا ماليش دعوة أنا هتصل بأبوكِ وهو يتصرف


اتصلى بيه انتى عالموبايل وأنا أكلمه زمانه عالقهوة!!!!!

وفى قهوة المعلم حسنين رن الموبايل بتاع عم حلاوة العنتبلى الجزار

حلاوة العنتبلى(بصوت خشن): أيوة مين؟

الأم: أنا يا معلم

العنتبلى: عاوزة إيه يا ولية؟!!!

الأم: تعالى يا خويا شوف بنتك جايلها عريس من النت !!!

العنتبلى: بتقولى منين ؟!!!!

الأم: من النت يا حاج!

العنتبلى: يعنى إيه ؟! فهمينى

الأم: ياخويا لما أفهم أنا أبقى أفهمك! تعالى اسألها بنفسك!

العنتبلى: ماشى هخلص دور الطاولة دة وآجى على طول

ثم أغلق الموبايل وأخذ يكلم نفسه!

نت! دة يطلع إيه دة كمان؟! تكونشى الولية مراتى اتهبلت؟!!!!!

بس هى ناقصة هبل ؟ ماهى مهبولة من يومها!

مالك يا معلم حلاوة ؟! انت بتكلم نفسك ولا إيه؟!

سأله صاحبه الذى يلاعبه الطاولة هذا السؤال فانتبه المعلم حلاوة وقال

العنتبلى: قولى يا زينهم بما إنك متعلم ومتنور ومعاك تالتة إبتدائى!!! يطلع إيه النت دة؟!


طبعا المعلم زينهم اترسم بقى وأخذ وضع فخر وعزة وهو يجيب

وإنت إيش عرفك بالأشكال دى يا معلم؟!

العنتبلى: أهو عرفت وخلاص

زينهم: والله يا معلم حلاوة أنا سمعت مرة البت بنت أخت عمة جار خالتى! بتقول انها شافت عالنت صور لمذابح بتحصل فى العراق!

العنتبلى: آآآآآآه يعنى زى تليفزيون كدة يعنى!

زينهم: لا يا معلم مش زى التليفزيون0000وإنما تقدر تقول عليه جرايد بس بتتشاف عالكمبيوتر!

العنتبلى: يا دين النبى! معقولة ياد الجرنال يدخل عالشاشة الصغيرة دى؟! طب بيدخلوه إزاى؟!

زينهم(عامل فيها فكيك بقى!): مش فى فتحات ورا فى الشاشة يا معلم؟! أكيد بيدخلوا الجرنال منها!

العنتبلى:أكيد الناس دى فاضية وموراهاش أى حاجة تعملها!

زينهم: هو كدة بالضبط يا معلم! بس ليه دة كله؟!

العنتبلى: أصل الولية مراتى بتقولى بنتك جايلها عريس من النت!

زينهم: ألف مبروك يا معلم أكيد تقصد ان متقدملها صحفى!!!!!!!!!

العنتبلى(مبسوط): بجد ياد يا زينهم؟!

زينهم: طبعا يا معلم ماهو زى ما قلتلك النت عبارة عن جرايد عالكمبيوتر يبقى قصدها ان واحد جرنالجى اتقدملها!

مبروووك يا معلم!

كدة ممكن تعمل دعاية للمحل بتاعك فى الجرنال! وتطلع صورك انت والعجل فى صفحة الحوادث!

العنتبلى: طب العب يا وش السعد العب!

رمى زينهم الزهر ثم صرخ

دش!!! راحت عليك يا معلمى!


عفاف: يا ماما افهينى عشان خاطرى العريس دة لقطة ومافيش زيه فى النت! أنا حبيته من كتاباته!

الأم: كتاباته ؟! هو مؤلف؟!

عفاف: مش مؤلف قوى يعنى بس بيكتب عالنت!

الأم: ودة بيكتب فى إيه بالضبط؟

عفاف:لا لا يا ماما 0000دة ما شاء الله مخلاش حاجة إلا لما كتب عنها

الأم (بخبث): آآآآه مين يشهد للعروسة؟!!

عفاف: لا والله ياماما بكلمك جد

الأم(بصوت عالى): اسمعى يا بت انتى انا لا أعرف نت ولا كتابات!أبوكى زمانه جاى هو يتصرف معاكى

عفاف(فى سرها):ماهى دى المصيبة!


يتبع


منقول

_________________
اللهم لا تؤاخذنى بما يقولون
اللهم اغفرلى ما لا يعلمون
واجعلنى خيرا مما يظنون
انت اعلم بى منهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نورالاسلام
Admin
Admin
avatar

انثى عدد الرسائل : 267
العمر : 30
تاريخ التسجيل : 30/11/2007

مُساهمةموضوع: رد: عريس من النت (1)   الثلاثاء مارس 04, 2008 6:17 am

هههههههههههههههههههههههههههههههههه
لا بجد كلمات تموت من الضحك ودي اخرت الامهات الجلهله دول عموما اما نشوف العريس ده هيحصل معاه ايه بعد كده
تسلم ايدك يا مشمشتي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pansy
Admin
Admin


انثى عدد الرسائل : 391
العمر : 29
تاريخ التسجيل : 30/11/2007

مُساهمةموضوع: رد: عريس من النت (1)   السبت مارس 08, 2008 12:21 pm


ربنا يستر علي الجزء التاني يا مشمش
بس ايه الجمال دا
مشكوره علي موضوعك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nahrel7ob1.newgoo.net
mizo



ذكر عدد الرسائل : 78
العمر : 23
الجنس : زكر
تاريخ التسجيل : 04/08/2010

مُساهمةموضوع: رد: عريس من النت (1)   الخميس أغسطس 05, 2010 5:43 am

تقبلى مرورى ..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عريس من النت (1)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نهــر الحـــب :: القسم العــام :: مواضيع عامه و مميزه-
انتقل الى: